ឯកឧត្តម ហ៊ុន ម៉ានិត អញ្ជើញជួបសំណេះសំណាលជាមួយបងប្អូនកម្មករ កម្មការិនីរោងចក្រស្បែកជើងខាលីនតុន ស្ថិតក្នុងស្រុកជើងព្រៃ ខេត្តកំពង់ចាម
ភ្នំពេញ៖ ឯកឧត្តម ហ៊ុន ម៉ានិត អនុប្រធានទី១ ក្រុមការងាររាជរដ្ឋាភិបាលចុះមូលដ្ឋានខេត្តកំពង់ចាម នាព្រឹកថ្ងៃទី២០ ខែឧសភា ឆ្នាំ២០២៣ បានអញ្ជើញជួបសំណេះសំណាលជាមួយបងប្អូនកម្មករ កម្មការិនីរោងចក្រស្បែកជើងខាលីនតុន ស្ថិតក្នុងស្រុកជើងព្រៃ ខេត្តកំពង់ចាម។
ឯកឧត្តម ហ៊ុន ម៉ានិត ក៏បានពាំនាំពាក្យផ្តាំផ្ញើរសួរសុខទុក្ខរបស់សម្តេចតេជោ ហ៊ុន សែន នាយករដ្ឋមន្ត្រី និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ដល់បងប្អូនកម្មករ កម្មការរិនីទាំងអស់។
ឯកឧត្តម ហ៊ុន ម៉ានិត បានមានប្រសាសន៍ថា សម្តេចទាំងពីរ តែងតែយកចិត្តទុក្ខដាក់ គិតគូរពីជីវភាពបងប្អូន។ ដូចនេះហើយ រាជរដ្ឋាភិបាល បានដាក់ចេញគោលនយោបាយគាំពារសង្គម និងប្រព័ន្ធសន្តិសុខសង្គម ដើម្បីធានាដល់ជីវភាព និងសុខុមាលភាពសង្គម។
ឯកឧត្តម ហ៊ុន ម៉ានិត ក៏បានថ្លែងអំណរគុណដល់បងប្អូនកម្មករ កម្មការិនី ទាំងអស់ ដែលបានជឿជាក់ ជឿទុកចិត្ត ជឿលើស្នាដៃ សមិទ្ធផលរបស់រាជរដ្ឋាភិបាល និងបោះឆ្នោតគាំទ្រគណបក្សប្រជាជនកម្ពុជាដឹកនាំប្រទេស ហើយនេះជាការផ្តល់នៅយុត្តិធម៌ជូនសម្តេចតេជោ និងថ្នាក់ដឹកនាំគណបក្សប្រជាជនកម្ពុជា ចំពោះការបូជា លះបង់គ្រប់បែបយ៉ាង ដើម្បីសុខសន្តិភាព និងការអភិវឌ្ឍ។
បន្ថែមពីនេះ ឯកឧត្តម ហ៊ុន ម៉ានិត បានមានប្រសាសន៍បន្តថា ភាពជោគជ័យគោលនយោបាយចាក់វ៉ាក់សាំង បង្កើតភាពសុំាក្នុងសហគមន៍ គឺមិនអាចកាត់ផ្តាច់បានចេញពីការចូលរួមរបស់និយោជក សហជីព និងបងប្អូនកម្មករ កម្មការិនីទាំងអស់ ដោយមិនជឿតាមការឃោសនារបស់បុគ្គលជ្រុលនិយមមួយចំនួន ដែលបានវាយប្រហារមកលើវ៉ាក់សាំង និងយុទ្ធនាការរបស់រាជរដ្ឋាភិបាល ៕
