នាយឧត្តមសេនីយ៍ កែវ វណ្ណថន ទទួលជួបពិភាក្សារការងារជាមួយ ទីប្រឹក្សា និងជាអគ្គកុងស៊ុល នៃស្ថានទូតហ្វីលីពីនប្រចាំកម្ពុជា

ភ្នំពេញ៖ ឯកឧត្តម នាយឧត្តមសេនីយ៍ កែវ វណ្ណថន អគ្គនាយករងអន្តោប្រវេសន៍ តំណាងឯកឧត្តម នាយឧត្តមសេនីយ៍ គៀត ច័ន្ទថារិទ្ធ អគ្គនាយកអន្តោប្រវេសន៍ នាព្រឹកថ្ងៃអង្គារ ៦កើត ខែពិសាខ ឆ្នាំថោះ បញ្ចស័ក ព.ស.២៥៦៦ ត្រូវនឹងថ្ងៃទី២៥ ខែមេសា ឆ្នាំ២០២៣ បានអនុញ្ញាតឲ្យលោកស្រី Emma R.Sarne ទីប្រឹក្សា និងជាអគ្គកុងស៊ុល នៃស្ថានទូតហ្វីលីពីនប្រចាំព្រះរាជាណាចក្រកម្ពុជា ចូលជួបសម្ដែងការគួរសម និងពិភាក្សារការងារ នៅអគ្គនាយកដ្ឋានអន្តោប្រវេសន៍។

ភាគីទាំងពីរ បានវាយតម្លៃខ្ពស់ចំពោះកិច្ចសហប្រតិបត្តិការល្អរវាងកម្ពុជា-ហ្វីលីពីន និយាយជារួម និងដោយឡែករវាងអគ្គនាយកដ្ឋានអន្តោប្រវេសន៍ និងស្ថានទូតហ្វីលីពីនប្រចាំនៅកម្ពុជា នាពេលកន្លងមក និងប្តេជ្ញាបន្តកិច្ចសហការល្អបន្ថែមទៀត ដើម្បីពង្រឹងចំណងមិត្តភាព និងទំនាក់ទំនងកិច្ចសហប្រតិបត្តការរវាងស្ថាប័នទាំងពីរ ៕