លោកជំទាវកិត្តិសង្គហបណ្ឌិត ឃួន សុដារី អញ្ជើញធ្វើមាតុភូមិនិវត្តន៍មកពីចូលរួមវេទិកាបាគូសកលលើកទី១០ នៅប្រទេសអាស៊ែបៃហ្សង់ប្រកបដោយសុវត្ថិភាព
ភ្នំពេញ៖ គណ:ប្រតិភូរដ្ឋសភាកម្ពុជាដឹកនាំដោយ លោកជំទាវកិត្តិសង្គហបណ្ឌិត ឃួន សុដារី អនុប្រធានទី២ នៃរដ្ឋសភា នាព្រឹកថ្ងៃទី១២ ខែមីនា ឆ្នាំ២០២៣ បានអញ្ជើញធ្វើមាតុភូមិនិវត្តន៍មកពីចូលរួមវេទិកាបាគូសកលលើកទី១០ ពីថ្ងៃទី៧ ដល់ថ្ងៃទី១២ ខែមីនា ឆ្នាំ២០២៣ នៅទីក្រុងបាគូសាធារណរដ្ឋអាស៊ែបៃហ្សង់។ វេទិកាបាគូសកលលើកទី១០រៀបចំឡើងដោយមជ្ឈមណ្ឌលអន្តរជាតិនីហ្សាមី ហ្គាន់ចាវី (Nizami Ganjavi International Center-NGIC) ប្រកបដោយសុវត្ថិភាព និងជោគជ័យគួរជាទីមោទក។
សូមជម្រាបផងដែរថា វេទិកាបាគូលើកទី១០ឆ្នាំនេះរៀបចំឡើងក្រោមមូលបទ “ពិភពលោកពេលនេះ៖ បញ្ហាប្រឈម និងក្តីសង្ឃឹម” ហើយមានការចូលរួមពីប្រមុខរដ្ឋ ប្រមុខរដ្ឋាភិបាល អតីតមេដឹកនាំ និងម្ចាស់ពានរង្វាន់សន្តិភាពណូបែល រួមទាំងតំណាងជាន់ខ្ពស់រដ្ឋាភិបាល អង្គការអន្តរជាតិ និងសង្គមស៊ីវិល ប្រមាណជាង ៣៥០ រូប មកពីប្រទេសជាង ៦០ ៕
