**ឧបនាយករដ្ឋមន្ត្រី ស សុខា លើកទឹកចិត្តយុវជនឱ្យខិតខំពង្រឹងសមត្ថភាព កុំផ្ដេកផ្ដួលតែលើសមិទ្ធផលអ្នកជំនាន់មុនខំកសាង**អង្គការសម្ព័ន្ធមិត្តសត្វព្រៃ បរិច្ចាគកូនឈើប្រណិត ២មុឺនដើម ដល់រដ្ឋបាលស្រុកវាលវែង ដើម្បីគាំទ្រលើ «យុទ្ធនាការដាំដើមឈើ ១លានដើម»**ឯកឧត្តមអភិសន្តិបណ្ឌិត ស សុខា អញ្ជើញបញ្ចុះខណ្ឌសីមាព្រះវិហារ និងឆ្លងខ្លោងទ្វារវត្តចំប៉ាសួស្តី ស្ថិតនៅឃុំព្រែកជ្រៃ ស្រុកពោធិ៍រៀង**ឯកឧត្តម អ៊ូច ភា ចុះសួរសុខទុក្ខ និងនាំយកអំណោយសម្ភារគ្រឿងឧបភោគបរិភោគ និងថវិកា ប្រគល់ជូន មជ្ឈមណ្ឌលព្យាបាល និងស្ដារនីតិសម្បទាអ្នកញៀនគ្រឿងញៀន របស់កងពលតូចថ្មើរជើងលេខ៣១ ក្នុងស្រុកជុំគិរី**ឯកឧត្តមរដ្ឋមន្រ្តី ប៉េង ពោធិ៍នា អញ្ជើញចុះពិនិត្យទីតាំងដាក់ផ្លាកឈ្មោះផ្លូវមហាវិថី ស៊ី ជីនពីង នៅលើខ្សែផ្លូវក្រវាត់ក្រុងទី៣ ដើម្បីត្រៀមដាក់សម្ពោធផ្លូវការថ្ងៃខាងមុខ**ឯកឧត្តមរដ្ឋមន្ត្រី ថោ ជេដ្ឋា អញ្ជើញចុះពិនិត្យវឌ្ឍនភាពការងារស្តារប្រព័ន្ធប្រឡាយព្រែកហូរ ក្នុងភូមិសាស្ត្រខេត្តកណ្តាល**សម្តេច ម៉ែន សំអន អញ្ជើញប្រកាសទទួលស្គាល់ការកែសម្រួល និងបំពេញបន្ថែមសមាសភាពគណៈកម្មការសាខាសមាគមនារីកម្ពុជា ដើម្បីសន្តិភាព និងអភិវឌ្ឍន៍ក្រសួងមុខងារសាធារណៈ**ផ្ទះមនុស្សធម៌ទី៩១និងទី៩២ អំណោយរបស់សាខាកាកបាទក្រហមកម្ពុជាខេត្តសៀមរាប ត្រូវបានប្រគល់ជូនគ្រួសារក្រីក្រ ២គ្រួសារ នៅស្រុកសូទ្រនិគម**អ្នកនាំពាក្យ៖ ការលើកឡើងរបស់រដ្ឋមន្ត្រីព័ត៌មាន បង្ហាញពីភាពចាំបាច់ ក្នុងការធានាលើកកម្ពស់សីលធម៌សង្គម សណ្ដាប់ធ្នាប់សាធារណៈ និងសេចក្តីថ្លៃថ្នូររបស់អ្នក**រថយន្ដធន់ធំមួយគ្រឿង ដឹកកម្ទេចលៀសខុសច្បាប់ ត្រូវសមត្ថកិច្ចចាប់ផាកពិន័យ លុះស្អែកឡើងបន្ដដឹកទៀតដោយមិនញញើតច្បាប់ នៅស្រុករលាប្អៀរ**អគ្គនាយកក្រុមហ៊ុន មេតថេក ស្នើឲ្យអភិបាលខេត្តកំពង់ចាម ជួយបញ្ជូនកម្មករ១មុឺននាក់ មកធ្វើការនៅតំបន់ សេដ្ឋកិច្ចពិសេស មេនហាតតាន់**ឯកឧត្តម ស្វាយ សំអ៊ាង ផ្ដល់អនុសាសន៍៧ចំណុច ដល់គណៈកម្មាធិការសមាគមអតីតយុទ្ធជនកម្ពុជា ឲ្យបន្តយកចិត្តទុកដាក់ក្នុងការអនុវត្តតួនាទី ភារកិច្ច និងការទទួលខុសត្រូវរបស់សមាគមអតីតយុទ្ធជនកម្ពុជាខេត្តស្ទឹងត្រែង ប្រកបដោយចីរភាព**ឯកឧត្តម ស្វាយ សំអ៊ាង៖ នាពេលកន្លងមកនៃការគ្រប់គ្រង និងឧបត្ថម្ភគាំទ្រដល់គ្រួសារអតីតយុទ្ធជន បានបង្ហាញនូវចីរភាពយ៉ាងច្រើន ក្នុងការដោះស្រាយនូវគោលនយោបាយជូនអតីតយុទ្ធជន**កម្ពុជា នឹងពង្រឹងកិច្ចសហប្រតិបត្តិការបន្ថែមទៀត ជាមួយអង្គការសុខភាពពិភពលោក**ឯកឧត្តម រ័ត្ន ស្រ៊ាង អញ្ជើញប្រកាសសមាសភាព ក្រុមការងារគណបក្សប្រជាជនកម្ពុជា ចុះជួយសង្កាត់ព្រែកកំពឹស ខណ្ឌដង្កោ**ឯកឧត្តម សួស ប្រាថ្នា អញ្ជើញចូលរួមក្នុងពិធីអបអរសាទរទិវាអន្ដរជាតិប្រយុទ្ធប្រឆាំងគ្រឿងញៀន ២៦ មិថុនា ២០២៤**ឯកឧត្តម ប្រាក់ សំអឿន អញ្ជើញចូលរួមក្នុងពិធីអបអរសាទរទិវាអន្ដរជាតិប្រយុទ្ធប្រឆាំងគ្រឿងញៀន ២៦ មិថុនា ២០២៤**ឯកឧត្តមទេសរដ្ឋមន្ត្រី ប៉ែន វិបុល អញ្ជើញចូលរួមក្នុងពិធីអបអរសាទរទិវាអន្ដរជាតិប្រយុទ្ធប្រឆាំងគ្រឿងញៀន ២៦ មិថុនា ២០២៤**ឯកឧត្តមទេសរដ្ឋមន្ត្រី សក់ សេដ្ឋា អញ្ជើញចូលរួមក្នុងពិធីអបអរសាទរទិវាអន្ដរជាតិប្រយុទ្ធប្រឆាំងគ្រឿងញៀន ២៦ មិថុនា ២០២៤**ឧបនាយករដ្ឋមន្រ្តី នេត សាវឿន អញ្ជើញជាអធិបតីក្នុងពិធីអបអរសាទរទិវាអន្តរជាតិប្រយុទ្ធប្រឆាំងគ្រឿងញៀន ២៦ មិថុនា ២០២៤

ហេតុអ្វីបានជា«Made in China»មានប្រជាប្រិយភាពកាន់តែខ្លាំងឡើងៗ ?

កាលពីសម័យបុរាណ ប្រជាជនចិនដែលមានអរិយធម៌ដ៏ចំណាស់និងប៉ិនប្រសប់ខាងសិប្បកម្មបានផលិតនូវសម្ភារៈជាច្រើនដែលមិនត្រឹមតែបំពេញតាមតម្រូវការក្នុងស្រុកប៉ុណ្ណោះទេ ប៉ុន្តែថែមទាំងបានត្រួសត្រាយទីផ្សារបរទេស ដើម្បីចែករំលែកផលិតផលរបស់ខ្លួនជាមួយប្រជាជននៃប្រទេសនានាផងដែរ ។ អាស្រ័យហេតុនេះ កាលពីជាង ២០០០ ឆ្នាំមុន «ផ្លូវសូត្រសមុទ្រ»ត្រូវបានបង្កើតឡើងដោយត្រួសត្រាយការធ្វើពាណិជ្ជកម្មតាមផ្លូវទឹករវាងប្រទេសចិននិងបណ្តាប្រទេសនានា ។ ក្រោយមកមិនជាយូរប៉ុន្មាន «ផ្លូវសូត្រ»ដែលជាច្រកពាណិជ្ជកម្មតភ្ជាប់ប្រទេសចិនជាមួយបស្ចិមប្រទេសនិងប្រទេសអារ៉ាប់ក៏ត្រូវបានបង្កើតឡើង ។
ផ្អែកលើផ្លូវសូត្រទាំងពីរនេះ ផលិតផលចិនកាលនោះមានដូចជា ព្រែសូត្រ ស្លឹកតែ គ្រឿងក្រអូបនិងពរ្សឺឡែនជាដើមបានត្រូវពួកឈ្មួញនាំចេញទៅកាន់ប្រទេសអាស៊ី បស្ចិមប្រទេសនិងប្រទេសអារ៉ាប់ ហើយមន្ត្រីសំខាន់ៗរបស់ចិនក៏បានទៅធ្វើទស្សនកិច្ចនៅប្រទេសដែលស្ថិតតាមបណ្តោយផ្លូវសូត្រនិងផ្លូវសូត្រសមុទ្រ ដោយបាននាំយកទៅជាមួយនូវផលិតផលពិសេសៗជាច្រើនរបស់ចិនសម្រាប់ជាអំណោយជូនដល់ប្រទេសដែលខ្លួនឆ្លងកាត់ ដែលនាំឱ្យផលិតផលចិនត្រូវគេស្គាល់កាន់តែច្រើនឡើងៗ ពាក្យថា«Made in China»បានក្លាយជាស្ពានសម្រាប់តភ្ជាប់មិត្តភាពរវាងប្រជាជនចិននិងពិភពលោកចាប់ពីពេលនោះមក ។
លុះឈានចូលយុគសម័យទំនើប ក្នុងខណៈពេលដែលវិស័យឧស្សាហកម្មនិងសិប្បកម្មរបស់ចិនមានភាពផុលផុស ផលិតផលចិនដែលមានតម្លៃថោកសមរម្យនិងមានគុណភាពខ្ពស់បានចូលទៅក្នុងទីផ្សារអន្តរជាតិ ចូលទៅក្នុងផ្ទះរបស់ប្រជាជននៃបណ្តាប្រទេសនានា សម្ភារៈប្រើប្រាស់ដែលមានដាក់ស្លាក«Made in China»បានក្លាយជាចំណែកដ៏សំខាន់មួយសម្រាប់តម្រូវការក្នុងជីវភាពប្រចាំថ្ងៃរបស់ប្រជាជននៃប្រទេសជាច្រើនលើពិភពលោក ។
បច្ចុប្បន្ន វិស័យផលិតកម្មរបស់ប្រទេសចិនកាន់តែជឿនលឿន សម្ភារៈបច្ចេកទេសទំនើបចុងក្រោយជាច្រើនបានសម្រួលដល់ជីវភាពរស់នៅរបស់ប្រជាជនចិននិងប្រជាជននៃប្រទេសនានា ភាពវៃឆ្លាតសិប្បនិម្មិតមិនមែនមានតែក្នុងភាពយន្តវិទ្យាសាស្ត្រដូចសម័យមុននោះទេ ពោលគឺឥឡូវបានដើរចូលក្នុងជីវភាពប្រចាំថ្ងៃរបស់យើង ។
ហេតុអ្វីបានជា«Made in China»ទទួលបានប្រជាប្រិយភាពកាន់តែខ្លាំងឡើងៗពីសំណាក់ប្រជាជនគ្រប់ជាតិសាសន៍ ? ជាបឋម យើងមកស្វែងយល់ពីគោលនយោបាយពាណិជ្ជកម្មរបស់ចិន ។ ប្រទេសចិនប្រកាន់ខ្ជាប់នូវពហុភាគីនិយម ដូច្នេះបានក្លាយជាដៃគូពាណិជ្ជកម្មរបស់ប្រទេសស្ទើរតែទាំងអស់នៅលើពិភពលោក ដែលបច្ចុប្បន្ននេះ ប្រទេសចិនបានក្លាយជាអង្គភាពសេដ្ឋកិច្ចធំទីពីរលើពិភពលោកនិងជាប្រទេសពាណិជ្ជកម្មធំទីមួយលើពិភពលោកដែលបានក្លាយជាដៃគូពាណិជ្ជកម្មធំទីមួយរបស់ប្រទេសចំនួនជាង ១២០ ។
ទីពីរគឺភាពអាចទទួលបាននៃផលិតផលចិន ។ ដោយសារតែប្រទេសចិនមានដៃគូពាណិជ្ជកម្មច្រើន ដូច្នេះផលិតផលចិនបានត្រូវនាំចេញយ៉ាងសន្ធឹកសន្ធាប់ដើម្បីបំពេញតាមតម្រូវការនៃទីផ្សារអន្តរជាតិ ។ លើសពីនេះ ជាធម្មតាផលិតផលចិនតែងមានតម្លៃថោកសមរម្យ ដូច្នេះទោះបីជាអ្នកប្រើប្រាស់ដែលមានជីវភាពមិនសូវធូរធារក៏អាចទិញបានផលិតផលចិនយកមកប្រើប្រាស់ដែរ ។ ពិសេសក្នុងបរិបទកូវីដ វ៉ាក់សាំងដែលផលិតដោយប្រទេសចិនបានក្លាយជាទំនិញសាធារណៈដែលងាយទទួលបាន ហេតុនេះ បានក្លាយជាខែលការពារអាយុជីវិតរបស់ប្រជាជនដ៏ច្រើនលើសលប់លើពិភពលោកឱ្យរួចផុតពីចង្កូមមច្ចុរាជនៃវីរុសកូវីដ-១៩ ។
ទីបីគឺគុណភាពតាមស្តង់ដាអន្តរជាតិ ។ ផលិតផលចិនដែលបាននាំចេញទៅបរទេស សុទ្ធតែបានឆ្លងកាត់ការត្រួតពិនិត្យគុណភាព ពោលគឺទាល់តែសមស្របនឹងស្តង់ដាអន្តរជាតិទើបអាចនាំចេញបាន ។ អាស្រ័យហេតុនេះ ផលិតផលចិនដែលបានចរាចរណ៍ក្នុងទីផ្សារអន្តរជាតិទទួលបានការនិយមចូលចិត្តយ៉ាងខ្លាំងពីសំណាក់អ្នកប្រើប្រាស់ រាប់ទាំងអ្នកប្រើប្រាស់នៅបស្ចិមប្រទេសដែលមានភាពជឿនលឿនខាងវិស័យឧស្សាហកម្មនិងផលិតកម្មផងដែរ ។ «ស្រួលប្រើ ប្រើធន់បានយូរ» នេះជាការវាយតម្លៃរបស់អ្នកប្រើប្រាស់ចំពោះផលិតផលចិន ។
បច្ចុប្បន្ន «Made in China» មិនគ្រាន់តែជាសម្ភារៈប្រើប្រាស់ប្រចាំថ្ងៃនោះទេ ពោលគឺបានគ្របដណ្តប់លើគ្រប់វិស័យ ដែលបានក្លាយជាអត្តសញ្ញាណមួយនៃភាពរីកចម្រើនខាងវិស័យផលិតកម្មរបស់ប្រទេសចិន ។ ក្នុងនោះ នាមប័ណ្ណថ្មីនៃ«Made in China»បានធ្វើឱ្យពិភពលោកមានការភ្ញាក់ផ្អើលយ៉ាងខ្លាំង មានដូចជាយានអវកាសផ្ទុកមនុស្សដែលផលិតដោយប្រទេសចិនបានត្រូវបង្ហោះទៅកាន់គន្លងតារាវិថីដោយជោគជ័យ ស្ថានីយអវកាសទីមួយរបស់ចិនជិតនឹងកសាងរួចរាល់ តេឡេស្កុបយក្សបានដាក់ឱ្យប្រើប្រាស់ ។ល។
ក្រៅពីនេះ «Made in China»ក៏បានក្លាយជាចំណងតភ្ជាប់មិត្តភាពនិងជំរុញកិច្ចសហប្រតិបត្តិការលើគ្រប់វិស័យរវាងប្រទេសចិននិងបណ្តាប្រទេសនានា ។ ក្នុងនោះ ផ្លូវដែកល្បឿនលឿនចិន-អឺរ៉ុប , ផ្លូវដែកចិន-ឡាវ , ផ្លូវដែកល្បឿនលឿនហ្សាការតា-បានឌុង ជាដើមដែលស្រាវជ្រាវនិងអភិវឌ្ឍដោយប្រទេសចិនបានរឹតចំណងមិត្តភាពរវាងប្រទេសចិនជាមួយប្រទេសដៃគូ ព្រមទាំងជំរុញកិច្ចសម្រួលពាណិជ្ជកម្មក្នុងតំបន់ ។

ក្នុងខណៈពេលដែលមនុស្សជាតិបានឈានចូលយុគសម័យថ្មី «Made in China»ក៏បានវិវឌ្ឍរីកចម្រើនជាបន្តបន្ទាប់ផងដែរ ដែលបាននាំមកនូវផលប្រយោជន៍ជូនដល់ប្រជាជនចិននិងប្រជាជនលើពិភពលោក ហើយក៏បានតភ្ជាប់ប្រទេសចិនជាមួយប្រទេសនានា ដើម្បីឆ្ពោះទៅរកការសម្រេចបាននូវការកសាងសហគមន៍រួមវាសនារបស់មនុស្សជាតិ ៕

អត្ថបទដោយ ៖ តាំង ស៊ីឡេង , បុគ្គលិកនៃវិទ្យុមិត្តភាពកម្ពុជា-ចិន

អត្ថបទដែលជាប់ទាក់ទង