រដ្ឋបាលខេត្តកណ្តាល អំពាវនាវម្ចាស់សណ្ឋាគារ ផ្ទះសំណាក់ ផ្ទះជួល និងបន្ទប់ជួលទាំងអស់ ក្នុងភូមិសាស្ត្រខេត្តរក្សាតម្លៃនៅដដែល ក្នុងពេលប្រឡងបាក់ឌុប
ភ្នំពេញ៖ រដ្ឋបាលខេត្តកណ្តាល សូមអំពាវនាវជាម្ចាស់សណ្ឋាគារ ផ្ទះសំណាក់ ផ្ទះជួល និងបន្ទប់ជួលទាំងអស់ ក្នុងភូមិសាស្ត្រខេត្តកណ្តាល សូមរក្សាតម្លៃ និងគុណភាពសេវាកម្មទាំងអស់ឱ្យនៅដដែល ដោយពុំដំឡើងថ្លៃបន្ទប់ស្នាក់នៅ ឬអាចពិនិត្យលទ្ធភាពបញ្ចុះតម្លៃ ជូនលោកគ្រូ អ្នកគ្រូ សិស្សានុសិស្ស ព្រមទាំង មាតាបិតា ឬអាណាព្យាបាលរបស់បេក្ខជនប្រឡង។
សូមជ្រាបថា ក្រសួងអប់រំ យុវជន និងកីឡា នឹងរៀបចំការប្រឡងមធ្យមសិក្សាទុតិយភូមិទូទាំងប្រទេស នៅថ្ងៃទី០៥-០៦ ខែ ធ្នូ ឆ្នាំ២០២២ ខាងមុខនេះ។
រដ្ឋបាលខេត្តកណ្តាល បានរៀបចំមណ្ឌលប្រឡងនៅតាមក្រុង និងស្រុក ចំនួន៣ រួមមាន ក្រុងតាខ្មៅ ស្រុកស្អាង និងស្រុកកណ្តាលស្ទឹង ដែលជាហេតុតម្រូវឱ្យលោកគ្រូ អ្នកគ្រូ សិស្សានុសិស្ស ព្រមទាំង មាតាបិតា ឬអាណាព្យាបាល របស់បេក្ខជនប្រឡង ត្រូវមកស្នាក់អាស្រ័យនៅសណ្ឋាគារ ផ្ទះសំណាក់ ផ្ទះជួល ឬបន្ទប់ជួល នៅក្នុងមូលដ្ឋានក្រុង ស្រុក ខាងលើ ដើម្បីចូលរួមប្រឡងមធ្យមសិក្សាទុតិយភូមិ៕
