លោក Lavrov៖ BRICS ជាឧទាហរណ៍នៃការទូតពហុភាគីពិតប្រាកដ
ម៉ូស្គូ៖ ទីភ្នាក់ងារព័ត៌មានចិនស៊ិនហួ បានចុះផ្សាយនៅថ្ងៃទី២៤ ខែវិច្ឆិកា ឆ្នាំ២០១៨ថា ក្រុមប្រទេស BRICS ដែលមានប្រទេសប្រេស៊ីល រុស្ស៊ី ឥណ្ឌា ចិន និងអាហ្រ្វិកខាងត្បូង ដើរតួនាទីជា “គំរូនៃទំនាក់ទំនងការទូតពហុភាគីពិតប្រាកដ ដែលឆ្លើយតបនឹងការពិតនៃសតវត្សទី ២១” រដ្ឋមន្ត្រីការបរទេសរុស្ស៊ី លោក Sergei Lavrov បានឲ្យដឹងកាលពីថ្ងៃព្រហស្បតិ៍។
លោក Lavrov បានបន្តនៅក្នុងសារជាវីដេអូមួយទៅកាន់វេទិកាអន្តរជាតិក្រុង BRICS+ លើកទីបួនថា “BRICS បង្កប់នូវការរួមបញ្ចូលគ្នានៃវប្បធម៌ និងអរិយធម៌ដែលតំណាងឱ្យតំបន់ផ្សេងៗគ្នានៃភពផែនដី” ។
លោក Lavrov បានបញ្ជាក់ថា ក្របខ័ណ្ឌ BRICS+ គឺផ្អែកលើសមភាព ការគោរពគ្នាទៅវិញទៅមក និងយុត្តិធម៌។
លោកបានបន្ថែមថា “វាច្បាស់ណាស់ថា ចម្លើយចំពោះបញ្ហាជាច្រើននៃសម័យកាលរបស់យើង… អាចត្រូវបានរកឃើញតែលើមូលដ្ឋានសមូហភាព ដោយពឹងផ្អែកលើតុល្យភាពនៃផលប្រយោជន៍ និងស្តង់ដារច្បាប់អន្តរជាតិដែលត្រូវបានទទួលស្គាល់ជាទូទៅ”។
វេទិកា BRICS+ អន្តរជាតិលើកទីបួនកំពុងដំណើរការរហូតដល់ថ្ងៃសៅរ៍នៅទីក្រុង St. Petersburg ដែលជាទីក្រុងធំទីពីររបស់រុស្ស៊ី។
