កងកម្លាំងតាមបណ្តាកងឯកភាព ចំណុះតំបន់ប្រតិបត្តិការសឹករងឧត្តរមានជ័យ ចុះជួយច្រូតស្រូវជូនប្រជាពលរដ្ឋ ក្នុងមូលដ្ឋាន
ភ្នំពេញ៖ ឧត្តមសេនីយ៍ទោ តន់ ញាន មេបញ្ជាការ តំបន់ប្រតិបត្តិការសឹករងឧត្តរមានជ័យ នៅថ្ងៃទី១៨ ខែវិច្ឆិកា ឆ្នាំ២០២២ បានដាក់បទបញ្ជាដល់គ្រប់បណ្តាកងឯកភាព ចំណុះត្រូវដឹកនាំកម្លាំងចុះជួយច្រូតស្រូវ បោកបែន ជូនគ្រួសារកងទ័ព និងប្រជាពលរដ្ឋក្នុងរដូវប្រមូលផល។
ដោយឃើញពីផលលំបាករបស់ ប្រជាពលរដ្ឋ ក្នុងរដូវច្រូតកាត់ លោកមេបញ្ជាការ បានណែនាំដល់គ្រប់បណ្ដាកងឯកភាព ត្រូវដឹកនាំកងកម្លាំងក្រោមឱវាទ ចុះជួយច្រូតស្រូវរបស់ប្រជាពលរដ្ឋ ក៏ដូចជាគ្រួសាររបស់កងទ័ព ដែលមានជីវភាពលំបាក នៅតាមមូលដ្ឋានរបស់ខ្លួនទទួលខុសត្រូវ។
ការងារចុះជួយច្រូតស្រូវជូនប្រជាពលរដ្ឋ និងគ្រួសាររបស់កងទ័ព គឺជាកាតព្វកិច្ចរបស់កងកម្លាំងប្រដាប់អាវុធ ដែលជានិច្ចកាល តំបន់ប្រតិបត្តិការសឹករងឧត្តរមានជ័យ ក្រោមការដឹកនាំបញ្ជាពី លោកមេបញ្ជាការផ្ទាល់ តែងផ្តល់ប្រសាសន៍ដឹកនាំ និងជំរុញដល់កងកម្លាំងត្រូវចុះប្រមូលផលស្រូវ ប្រជាពលរដ្ឋឲ្យទាន់ពេលវេលា ៕
