មកស្វែងយល់អំពីប្រវត្តិនៃកិច្ចប្រជុំកំពូល [G20 ]ខណៈសម្តេចតេជោ ហ៊ុន សែន នឹងអញ្ជើញទៅចូលរួមនៅប្រទេសឥណ្ឌនេស៊ី

ភ្នំពេញ៖ សមាជិកG20 ឬ [Group of Twenty ]គឺជាវេទិកាអន្តរជាតិដ៏ធំមួយ ដែលប្រមូលផ្តុំទៅដោយប្រទេសដែលមានសេដ្ឋកិច្ចធំៗជាច្រើន ក៏ដូចជាប្រទេសកំពុងអភិវឌ្ឍន៍សំខាន់ៗ នៅលើពិភពលោក។ វេទិកាពហុភាគីនេះ បានបង្កើតឡើងនាឆ្នាំ១៩៩៩ ក្រោមការ ពិភាក្សានិងរួមគ្នាធ្វើការ ដើម្បីរក្សាអំពីស្ថិរភាពសេដ្ឋកិច្ចនិងហិរញ្ញវត្ថុ របស់សកលលោក។ សូមបញ្ជាក់ថា៖ មកទល់​សព្វថ្ងៃនេះ កិច្ចប្រជុំកំពូលរវាងមេដឹកនាំ G20 គឺមិនត្រឹមតែផ្តោតសំខាន់ៗទៅលើ សេដ្ឋកិច្ច.ហិរញ្ញវត្ថុប៉ុណ្ណោះទេ ប៉ុន្តែរឿងដែលផ្តោតទៅលើ​ បញ្ហាប្រឈមជាបន្ទាន់ៗ របស់ពិភពលោកផងដែរ។

G20 ក្នុងឆ្នាំនេះ បានធ្វើឡើងនាថ្ងៃទី១៥.១៦ វិច្ឆិកា ឆ្នាំ២០២២ នាកោះបាលី ប្រទេសឥណ្ឌូនេស៊ី ខណៈពេលដែលសម្តេចតេជោ ហ៊ុន សែន លោកនឹងអញ្ជើញទៅចូលរួមក្នុងនាមជាប្រធានអាស៊ាន។

សមាជិក[ G20] រួមមានសហភាពអឺរ៉ុប [EU] និងមានប្រទេសចំនួន១៩ទៀតរួមមានអាហ្សង់ទីន .អូស្ត្រាលី .ប្រេស៉ីល .កាណាដា .ចិន .បារាំង .អាល្លឺម៉ង់. ឥណ្ឌា .ឥណ្ឌូណេស៉ី អ៉ីតាលី. ជប៉ុន .កូរ៉េខាងត្បូង .ម៉ិកស៉ិក .រុស្ស៉ី អារ៉ាប៊ីសាអូឌីត. អាហ្វ្រិកខាងត្បូង .តួកគី .ចក្រភពអង់គ្លេស និងសហរដ្ឋអាមេរិក។

សមាជិក[G20 ]ទាំងមូលមានប្រជាជនសរុបស្មើនឹង ២ភាគ៣នៃចំនួនប្រជាជនសរុបនៅលើពិភពលោក និងមានទំហំសេដ្ឋកិច្ចប្រហែល៨០ភាគរយ នៃ[ GDP ]ជាសកល ហើយរ៉ាប់រងប្រមាណជា ៧៥% ការធ្វើពាណិជ្ជកម្មរបស់អន្តរជាតិ ព្រមទាំងគ្របដណ្តប់ទៅលើផ្ទៃដី៦០% នៃភពផែនដី។ ហេតុនេះហើយ ទើប G20 ត្រូវបានបណ្តាញអ្នកវិភាគនាំគ្នាទទួលស្គាល់ថា វាជាក្រុមដែលមានឥទ្ធិពលដ៏ខ្លាំងមួយ នៅលើពិភពលោក។

សូមបញ្ជាក់ថានាពេលបង្កើតឡើងដំបូង ក្នុងកិច្ចប្រជុំ G20 ត្រូវបានធ្វើឡើងតែ រវាងក្រុមរដ្ឋមន្រ្តីហិរញ្ញវត្ថុ និងប្រធានធនាគារកណ្តាលតែប៉ុណ្ណោះ។ ប្រមុខដឹកនាំនៃសមាជិក G20 ក៏បានចាប់ផ្តើមបើកកិច្ចប្រជុំកំពូលជាលើកទីមួយ នាឆ្នាំ២០០៨ នៅសហរដ្ឋអាមេរិក ក្រោយពីការកើតមាន​វិបត្តិហិរញ្ញវត្ថុជាសកល ឆ្នាំ២០០៧.២០០៨។

នាឆ្នាំ២០០៩ និងឆ្នាំ២០១០ កិច្ចប្រជុំកំពូល G20 ធ្លាប់ត្រូវបានធ្វើឡើងពីរលើកក្នុងមួយឆ្នាំ ខណៈពេលប្រជុំម្ដងៗ គឺប្រជុំក្នុងប្រទេសពីរផ្សេងគ្នា។ ក៏ប៉ុន្តែចាប់តាំងពីឆ្នាំ២០១១ រហូតមកទល់ពេលនេះ កិច្ចប្រជុំកំពូលត្រូវបានប្រារព្ធធ្វើឡើងតែម្តងប៉ុណ្ណោះក្នុង១ឆ្នាំ នៅក្នុងប្រទេសដែលត្រូវជាប្រធានប្តូរវេន។ ក្នុងមួយឆ្នាំម្ដង មុនដល់កិច្ចប្រជុំកម្រិតប្រមុខរដ្ឋ.ប្រមុខរដ្ឋាភិបាល. កិច្ចប្រជុំផ្សេងៗទៀត ក្នុងកម្រិតថ្នាក់រដ្ឋមន្រ្តី និងក្រុមការងារពាក់ព័ន. ក៏ត្រូវបានរៀបចំប្រជុំឡើងផងដែរ ដើម្បីត្រៀមសម្រាប់ការបើកកិច្ចប្រជុំកំពូលម្ដង។ ម៉្យាងវិញទៀត ជំនួប​ទ្វេភាគីដែលជារឿយៗកើតមាននាកិច្ចប្រជុំកំពូល G20 ពេលខ្លះក៏បាននាំការងារទៅរក កិច្ចព្រមព្រៀងជាអន្តរជាតិសំខាន់ៗផងដែរ។

សូមបញ្ជាក់ថា សម្រាប់ឆ្នាំ២០២២០នេះ ឥណ្ឌូណេស៉ី គឺជាប្រធានប្តូរវេន [G20] ដូចនេះហើយការធ្វើជាប្រធាន ក៏បានរៀបចំកិច្ចប្រជុំកំពូល ដែលនឹងប្រារព្ធឡើងរយៈពេល២ថ្ងៃ គឺ១៥.១៦ ខែវិច្ឆិកា នៅកោះបាលី។ ក្រៅពីសមាជិក [G20 ]. អេស៉្បាញ អង្គការសហប្រជាជាតិ ធនាគារពិភពលោក សហភាពអាហ្រ្វិក អាស៊ាន និងអង្គការអន្តរជាតិនាៗទៀត ក៏អញ្ជើញចូលរួមជាភ្ញៀវកិត្តិយស ជាអចិន្រ្តៃយ៍ តែងតែត្រូវបានអញ្ជើញឱ្យចូលរួមកិច្ចប្រជុំកំពូល G20 ផងដែរ។ មិនតែប៉ុណ្ណោះ និយាយរួមទៅប្រទេសជាម្ចាស់ផ្ទះ ក៏អាចអញ្ជើញតំណាងមកពីបណ្ដាលប្រទេសផ្សេងទៀត ទៅតាមការសម្រចចិត្តរបស់ខ្លួន ។។