ឯកឧត្តម អ៊ុង សំអាត និងឯកឧត្តម អ៊ុន ចាន់ដា អញ្ជើញសំណេះសំណាល និងចែកពូជស្រូវស្រាល ជូនដល់ប្រជាកសិករជាង១ពាន់គ្រួសារ មកពីឃុំចំនួន៥ ក្នុងស្រុកស្រីសន្ធរ

ភ្នំពេញ៖ ឯកឧត្តម អ៊ុង សំអាត រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ និងឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម និងជាប្រធានគណៈកម្មាធិការគ្រប់គ្រងគ្រោះមហន្តរាយខេត្ត នៅរសៀលថ្ងៃទី២៤ ខែ តុលា ឆ្នាំ២០២២ បានអញ្ជើញចូលរួមក្នុងពិធីសំណេះសំណាល និងចែកពូជស្រូវស្រាល មិនប្រកាន់រដូវរបស់រាជរដ្ឋាភិបាល តាមរយៈប្រព័ន្ធស្បៀងបម្រុងកម្ពុជា ចំនួន ១០៧.១៥០គីឡូក្រាម ជូនដល់ប្រជាកសិករចំនួន ១,៣៥១គ្រួសារ មកពីឃុំចំនួន ៥ ក្នុងស្រុកស្រីសន្ធរ ខេត្តកំពង់ចាម។

សូមបញ្ជាក់ថា ប្រជាកសិករ ដែលរងផលប៉ះពាល់ដោយទឹកជំនន់ទន្លេមេគង្គ ចំនួន ១,៣៥១ គ្រួសារ ក្នុងឃុំចំនួន៥ នៅស្រុកស្រីសន្ធរ បានទទួលពូជស្រូវស្រាល មិនប្រកាន់រដូវ ជាអំណោយដ៏ថ្លៃថ្លារបស់ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា តាមរយៈប្រព័ន្ធស្បៀងបម្រុងកម្ពុជា ដោយក្នុង១គ្រួសារៗ ទទួលបានពូជស្រូវ ចំនួន១០០គីឡូក្រាម ស្មើៗគ្នា។

ពិធីនេះធ្វើឡើងនៅសាលាស្រុកស្រីសន្ធរ ដោយមានការចូលរួមពីសំណាក់ អ្នកតំណាងរាស្ត្រមណ្ឌលកំពង់ចាម ប្រតិភូក្រសួងកសិកម្ម ក្រុមការងាររាជរដ្ឋាភិបាលចុះមូលដ្ឋានស្រុក អភិបាលរងខេត្ត មន្ទីរ អង្គភាពជុំវិញខេត្ត អាជ្ញាធរមូលដ្ឋាន និងមន្ត្រីពាក់ព័ន្ធ ព្រមទាំងបងប្អូនប្រជាកសិករយ៉ាងច្រើនកុះករផងដែរ៕