រដ្ឋបាលខេត្តបាត់ដំបង និងទីប្រឹក្សាជប៉ុន JPC ចុះ MoU ស្តីពីការអភិវឌ្ឍទីក្រុងឆ្លាត នៅក្នុងខេត្ត បាត់ដំបង

ភ្នំពេញ៖ ពិធីចុះអនុស្សារណៈ នៃការយោគយល់គ្នា រវាង រដ្ឋបាលខេត្តបាត់ដំបង និង ទីប្រឹក្សាជប៉ុន(JPC) “ស្ដីពីការអភិវឌ្ឍទីក្រុងឆ្លាត”នៅក្នុងខេត្តបាត់ដំបង ត្រូវបានធ្វើឡើងកាលពីព្រឹកថ្ងៃទី១២
ខែតុលាឆ្នាំ២០២២ រវាងឯកឧត្តម សុខ លូ អភិបាលខេត្តបាត់ដំបង និងភាគីក្រុមការងារទីប្រឹក្សាជប៉ុន (JPC) ដឹកនាំដោយលោក Takanori Kuribayashi ជាលេខាទី១នៃស្ថានទូតជប៉ុន ប្រចាំប្រទេសកម្ពុជា ។

គោលបំណងសំខាន់ នៃ អនុស្សរណៈ ការយោគយល់គ្នា“MOU”គឺដើម្បីជំរុញកិច្ចសហប្រតិបត្តិការទៅវិញទៅមករវាងគូភាគី ដើម្បីឆ្ពោះទៅរកការអភិវឌ្ឍ ទីក្រុងឆ្លាតនៃខេត្តបាត់ដំបង តាមរយៈសកម្មភាពផ្សេងៗ នៃកិច្ចសហការ ការផ្សព្វផ្សាយ និងការគាំទ្រដូចបានរៀបរាប់នៅក្នុងផ្នែកសំខាន់ៗនិងវិសាលភាពនៃ MOU នេះ។ ជាពិសេសដើម្បីធ្វើឲ្យសម្រេចបាននូវគោលដៅអភិវឌ្ឍន៍នៃកិច្ចសហការ និងកិច្ចសហប្រតិបត្តិការរវាងគូភាគីទាំងសងខាង។

អនុស្សរណៈនៃការយោគយល់គ្នាស្តីពី ការអភិវឌ្ឍទីក្រុងឆ្លាតនៅក្នុងខេត្តបាត់ដំបង នៃព្រះ
រាជាណាចក្រកម្ពុជា ត្រូវបានធ្វើឡើង និងមានប្រសិទ្ធភាពនៅថ្ងៃ ចុះហត្ថលេខាចុងក្រោយ រវាង រដ្ឋបាលខេត្តបាត់ដំបង ជាមួយនិងក្រុមការងារទីប្រឹក្សាជប៉ុន“JPC”ដែលមានក្រុមហ៊ុន ចំនួន៣របស់ជប៉ុន រួមមាន៖ ក្រុមហ៊ុន Yachiyo En
gineering Co.,Ltd.“YEC”, ក្រុមហ៊ុន Nippon Koei Co., Ltd.“NK” និងក្រុមហ៊ុន QSC Consultant Co., Ltd. “QSC”)។ដើម្បីបន្តនូវការសិក្សាពីលទ្ធភាពអនុវត្តគម្រោងអាទិភាដែលបាន រកឃើញ តាមរយៈ ការ សិក្សារៀបចំប្លង់គោល របស់ ក្រុមហ៊ុនជប៉ុនទាំង៣នេះ នឹងពិនិត្យឃើញនូវលទ្ធ ភាពអនុវត្តគម្រោងទីក្រុងឆ្លាតសាកល្បង ដែលនាំប្រយោជន៍ដល់ភាគីពា
ក់ព័ន្ធ ជាពិសេស ប្រជាពលរដ្ឋក្រុង បាត់ដំបង។

ថ្លែងទៅកាន់សមភាគីនៃក្រុមការងារទីប្រឹក្សាជប៉ុន((JPC)ដែលតំណាងដោយលោក Takanori Kuribayashi ជាលេខាទី១ នៃស្ថានទូតជប៉ុនប្រចាំប្រទេសកម្ពុជា។ ឯកឧត្តម សុខ លូដែលជាសមភាគី តំណាងឲ្យរដ្ឋបាលខេត្តបាត់
ដំបង បានបង្ហាញពីការត្រៀមបង្កលក្ខណៈដល់ ក្រុមសិក្សាស្របតាមគោលការណ៍និងនីតិវិធី។ ព្រមទាំងបានផ្តល់ទស្សនៈទានគន្លឹះដើម្បីទាញចំណាប់អារម្មណ៍ជូនដល់ក្រុមការងារទីប្រឹក្សាជប៉ុនថា៖ ខេត្តបាត់ដំបងមានសក្ដានុពលសម្បូរបែបសម្រាប់ការវិនិយោគ – សម្បត្តិតិភណ្ឌវប្បធ
ម៌(តំបន់អភិរក្សសំណង់បេតិភណ្ឌ); សម្បត្តិធម្មជាតិ (ស្ទឹងសង្កែ…); បណ្តាញគមនាគមន៍ (ផ្លូវជាតិ ផ្លូវរថភ្លើង ព្រលានយន្តហោះ…);ហេដ្ឋារចនាសម្ព័ន្ធសង្គម-បច្ចេកទេស(បណ្តាញរំដោះទឹកភ្លៀង ទឹកស្អុយនិងទីលានចាក់សំរាមជាដើម។

ក្នុងកិច្ចប្រជុំនេះផងដែរក្នុងនាមរដ្ឋបាលខេត្ត និងប្រជាពលរដ្ឋខេត្តបាត់ដំបង ឯកឧត្តម សុខ លូ អភិបាលខេត្តបាត់ដំបង ក៏បានថ្លែងអំណរគុណយ៉ាងជ្រាលជ្រៅចំពោះរដ្ឋាភិបាលជប៉ុន ដែលបានបង្កើតឱ្យមានកម្មវិធីសិក្សាគម្រោងទីក្រុ
ងឆ្លាតដែលគាំទ្រ ដោយក្រសួងដែនដីហេដ្ឋារចនាសម្ព័ន្ធ គមនាគមន៍ និងទេសចរណ៍ ប្រទេសជប៉ុន និង បានជ្រើសរើសយកទីក្រុងបាត់ដំបង ដើម្បីសិក្សារៀបចំប្លង់គោលអភិវឌ្ឍន៍ក្រុងបាត់ដំបងប្រកបដោយចីរភាពនិងឆ្លាតវៃ។ ទោះបីជាពិភពលោក ក៏ដូចជាខេត្តបាត់ដំបង បានទទួលរងនូវផលប៉ះពាល់ជាសាកល នៃ វិបត្តិកូវីដ-19
អស់រយៈពេល ជាង២ឆ្នាំយ៉ាងណាក្តី ក៏ក្រុមការងារ បានខិតខំបញ្ចប់ការសិក្សា រៀបចំប្លង់គោលអភិវឌ្ឍន៍ក្រុងបាត់ដំបង ប្រកបដោយភាព ពេញលេញ។

តាមរយៈលោក TakanoriKURIBAYASHI លេខាទី១ នៃស្ថានទូតជប៉ុនប្រចាំប្រទេសកម្ពុជាក៏បានចាត់ទុកខេត្តបាត់ដំបង ជាខេត្តដែលមានសក្ដានុពលខ្ពស់លើវិស័យទេសចរណ៍ ជាពិសេសការអភិវឌ្ឍក្រុងបាត់ដំបង ប្រកបដោយចីរភា
ពនិងឆ្លាតវៃ ពិតជាជួយទាក់ទាញដៃគូវិនិយោគ និងភ្ញៀវទេសចរកាន់តែច្រើនបន្ថែមទៀត។

សូមបញ្ជាក់ថារដ្ឋបាលខេត្តបាត់ដំបងនៃព្រះ រាជាណាចក្រកម្ពុជា និងក្រសួងដែនដី ហេដ្ឋារច
នាសម្ព័ន្ធ ដឹកជញ្ជូន និង ទេសចរណ៍ ប្រទេសជប៉ុន (ហៅកាត់ថា MLIT)បានសហការគ្នាក្នុងឆ្នាំ ២០២០-២០២១ សម្រាប់ការអភិវឌ្ឍទីក្រុងឆ្លាតខេត្តបាត់ដំបង តាមរយៈគំនិតផ្ដួចផ្ដើម ក្នុង “ភាពជាដៃគូរួមគ្នា រវាង ភាគីជប៉ុននិងអាស៊ាន”
(Smart JAMP)។និងគំនិតផ្តួចផ្តើម Smart JAMP មានបំណងគាំទ្រដល់ការអភិវឌ្ឍទីក្រុងឆ្លាត នៃទីក្រុងដែលជាដៃគូ ក្នុងបណ្តាញទីក្រុងឆ្លាតអាស៊ាន តាមរយៈនៃការសិក្សាបង្កើតគម្រោងកម្មវិធីរបស់ខ្លួន៕