ប្រធាន អនុប្រធាន និងមន្រ្តីនៃមន្ទីរសាធារណការខេត្តក្រចេះ ៤១រូប ស្ម័គ្រចិត្តចូលរួមជាសមាជិកទ្រទ្រង់កាកបាទក្រហមកម្ពុជា
ភ្នំពេញ៖ លោក ចាន់ សុគុណ សមាជិកគណៈកម្មាធិការសាខាកាកបាទក្រហមកម្ពុជា ខេត្តក្រចេះ និងមន្រ្តីប្រតិបត្តិសាខា នៅព្រឹកថ្ងៃសុក្រ ទី៧ ខែតុលា ឆ្នាំ២០២២ បានអញ្ជើញទទួលថវិកាសមាជិកភាពទ្រទ្រង់ប្រចាំឆ្នាំ២០២២ នៃមន្ទីរសាធារណការ និងដឹកជញ្ជូនខេត្តក្រចេះ ដែលមានទឹកប្រាក់សរុបចំនួន ២.៩៨០.០០០រៀល ជូនសាខាកាកបាទក្រហមកម្ពុជា ខេត្តក្រចេះ ដើម្បីបន្តនៅសកម្មភាពមនុស្សធម៌ជួយដល់ គ្រួសារងាយរងគ្រោះ ជនចាស់ជរា ជនពិការ ស្រ្តីមេម៉ាយ កុមារកំព្រា និងគ្រួសាររងគ្រោះដោយគ្រោះមហន្តរាយផ្សេងៗ ក្នុងខេត្តក្រចេះ ។
សាខាកាកបាទក្រហមកម្ពុជាខេត្តក្រចេះ សូមគោរពថ្លែងអំណរគុណយ៉ាងជ្រាលជ្រៅចំពោះវិភាគទានដ៏ថ្លៃថ្លារបស់ លោក លោកស្រី នាង កញ្ញា និងសូមប្រសិទ្ធពរ បវរមហាប្រសើរជូនដល់ លោក លោកស្រី នាង កញ្ញា និងក្រុមគ្រួសារ ជួបតែពុទ្ធពរទាំង ៤ ប្រការ គឺ អាយុ វណ្ណៈ សុខៈ ពលៈកុំបីឃ្លៀងឃ្លាតឡើយ ៕
