មេបញ្ជាការរងកងពល តូចលេខ៧០ ដឹកនាំនាយទាហាន គោរពវិញ្ញ្ញាណក្ខន្ធ ឧត្តមសេនីយ៍ឯក ឈិត ប៊ុនហឿន នាយករង នាយកដ្ឋានសុខាភិបាល អគ្គនាយកដ្ឋានភស្តុភារ ហិរញ្ញវត្ថុ

ភ្នំពេញ៖ លោកឧត្តមសេនីយ៍ទោ សូយ ណារិទ្ធ មេបញ្ជាការរងកងពល តូចលេខ៧០ តំណាងលោកមេបញ្ជាការកងពល បានដឹកនាំនាយទាហាន អញ្ជើញចូលរួមគោរពវិញ្ញ្ញាណក្ខន្ធ លោកឧត្តមសេនីយ៍ឯក ឈិត ប៊ុនហឿន នាយករង នាយកដ្ឋានសុខាភិបាល អគ្គនាយកដ្ឋានភស្តុភារ ហិរញ្ញវត្ថុ ដែលបានទទួលមរណភាពកាលពីថ្ងៃទី៣០ ខែកក្កដា ឆ្នាំ២០២២ ក្នុងជន្មាយុ ៦៧ឆ្នាំ ដោយរោគាពាធ ។

លោកឧត្តមសេនីយ៍ទោ ក៏បា នចូលរួមរំលែកមរណទុក្ខដោយក្តីស្រណោះ និងអាឡោះអាល័យបំផុតជាមួយគ្រួសារសព នេះបានបញ្ជាក់ថាជាការបាត់បង់ឥស្សរជនដ៏ឆ្នើមមួយរូប ដែលបានបូជាកម្លាំងកាយចិត្ត បញ្ញា និងស្មារតីស្ទើរពេញមួយជីវិតដើម្បីបម្រើជាតិ មាតុភូមិ។

លោកមេបញ្ជាការរង ក៏បានឧទ្ទិសបួងសួងសូមឲ្យដួងវិញ្ញាណក្ខន្ធ លោកឧត្តមសេនីយ៍ឯក ឈិត ប៊ុនហឿន ឆាប់បានចាប់កំណើត ក្នុងសុគតិភពគ្រប់ៗជាតិកុំបីឃ្លៀងឃ្លាតឡើយ៕