អភិបាលរងខេត្តកណ្ដាល ក្រើនរំលឹកសមាជិកក្រុមប្រឹក្សាឃុំបឹងខ្យាងត្រូវឈរលើគោលការណ៍ច្បាប់បំរើប្រជាជនដោយស្មើភាពត្រឹមត្រូវនិងយុត្តិធម៌

ភ្នំពេញ៖ ខណ:ចូលរួម ប្រកាសសុពលភាព សមាជិក ក្រុមប្រឹក្សា ឃុំ បឹងខ្យាង នៅថ្ងៃ ទី៧កក្កដានេះ អភិបាលរងខេត្ត កណ្ដាល ឯកឧត្ដម ប្រាក់សារ៉ាត់ បានក្រើនរំលឹកដល់ សមាជិក ក្រុមប្រឹក្សាឃុំទាំងអស់ សម្រាប់អាណត្តិទី៥នេះ ត្រូវឈរលើគោលការច្បាប់ ធ្វើជាតំណាងឲ្យប្រជាពលរដ្ឋ ខិតខំបំពេញ តួនាទី ភារកិច្ច ក្នងការគ្រប់គ្រង់ ចាត់ចែងកិច្ចការមូលដ្ឋាន របស់ខ្លួន ដើម្បីឆ្លើយតបតម្រូវការ និងបម្រើផលប្រយោជន៍ ប្រជាពលរដ្ឋ ដោយស្មើភាព យុត្តិធម៌ មិនត្រូវប្រកាន់ និន្នាការនយោបាយ អ្វីឡើយ។

ឯកឧត្ដមបានជំរុញឲ្យ សមាជិកក្រុមប្រឹក្សាឃុំ ត្រូវសម្រួចឆន្ទៈក្នុងការចូលរួម បញ្ចេញសមត្ថភាព ប្រាជ្ញា ស្មារតី កម្លាំងកាយ កម្លាំងចិត្ដ ដាក់ចិត្តបំរើប្រជាជន តាមគោលការណ៍ច្បាប់ និងលិខិតបទដ្ឋាន គតិយុត្ដនានា របស់រាជរដ្ឋាភិបាល ៕