ថៃចាប់ផ្តើមការស៊ើបអង្កេតដើម្បីកំណត់មូលហេតុនៃការដួលរលំនៃសំណង់អគារ៣០ជាន់នៅកណ្តាលរាជធានីបាងកក បន្ទាប់ពីគ្រោះរញ្ជួយដី
បាងកក៖ បន្ទាប់ពីគ្រោះរញ្ជួយដីវាយសង្គ្រប់ឥតធម៌មេត្តាកាលពីថ្ងៃសុក្រទី២៨ ខែមីនា រាជរដ្ឋាភិបាលថៃ បានចាប់ផ្តើមការស៊ើបអង្កេតដើម្បីកំណត់មូលហេតុនៃការដួលរលំនៃសំណង់អគារ៣០ជាន់នៅកណ្តាលរាជធានីបាងកក ខណៈកិច្ចខិតខំប្រឹងប្រែងជួយសង្គ្រោះនៅតែបន្តឥតស្រាក់ស្រាន្ត។
ក្រុមអ្នករិះគន់ជាច្រើនបានចោទសួរអំពីស្ដង់ដាររបស់អ្នកម៉ៅការចិន ហើយពួកគេក៏បានលើកឡើងពីការព្រួយបារម្ភអំពីគុណភាពដែក និងសម្ភារសំណង់ ដែលបានប្រើប្រាស់ក្នុងការសាងសង់អាគារនេះផងដែរ។
ក្រុមស៊ើបអង្កេតមួយមកពីក្រសួងឧស្សាហកម្មបានប្រមូលសំណាកសម្ភារសំណង់ចេញពីការដ្ឋានអគារការិយាល័យសវនកម្មរដ្ឋ (SAO) ដែលបានដួលរលំនៅក្នុងសង្កាត់ចតុចក្រ។ នេះបើតាម លោក ភុងភល យ៉តមឿងចម្រើន រដ្ឋលេខាធិការក្រសួងឧស្សាហកម្ម។
ជាមួយគ្នា លោក ភុងភល បានលើកឡើងថា ក្រុមការងារកំពុងផ្តោតលើគុណភាពនៃដែកដែលប្រើប្រាស់ក្នុងបេតុង ធ្នឹម និងគ្រឹះជាពិសេស ដោយដែកមិនមានស្ដង់ដារទើបអាចនាំឱ្យមានការដួលរលំបែបនេះ។ ក្រសួងឧស្សាហកម្ម បាន ចាត់ វិធានការ ផ្លូវ ច្បាប់ ចំពោះ ក្រុមហ៊ុន រហូត ដល់ ទៅ ៧ ដែល ផលិត និង លក់ ដែក។
ជាក់ស្តែង លោក ភុងភល បន្ត ថា ពួកគេ ទាំង នោះ សុទ្ធ តែ ជា ក្រុមហ៊ុន បណ្តាក់ ទុន រួម គ្នា របស់ ក្រុមហ៊ុន ថៃ និង បរទេស ហើយរោងចក្រ ទាំង នោះ ត្រូវ បាន បិទ បន្ទាប់ ពី ត្រូវ បាន រក ឃើញ ថា បាន ផលិត និង ចែក ចាយ បន្ទះ ដែក ដែល មិនមាន ស្ដង់ដារ ដោយអាច បង្ក ការ គំរាម កំហែង ដល់ សុវត្ថិភាព សាធារណៈ។
ឧបនាយករដ្ឋមន្ត្រីថៃ លោក អនុធីន ឆ័នវីរកូល ទទួលបន្ទុកប្រតិបត្តិការជួយសង្គ្រោះរបស់រាជរដ្ឋាភិបាលនៅទីតាំងមហន្តរាយ បានលើកឡើងថា ការស៊ើបអង្កេតមួយកំពុងដំណើរការដើម្បីកំណត់ជាមុនថា តើការរចនាត្រូវនឹងស្ដង់ដារដែរឬទេ? ហើយ តើវាធន់នឹងគ្រោះរញ្ជួយដី ដូចដែលបានកំណត់នៅក្រោមច្បាប់ ឬយ៉ាងណា? ប្រសិន បើ ការ រចនា មាន លក្ខណៈ ល្អ ការ ស៊ើបអង្កេត នឹង ផ្តោត លើ ដំណើរការ ផ្សេង ទៀត ដែល ពាក់ព័ន្ធ។
លោកឧបនាយករដ្ឋមន្រ្តី ដែលជារដ្ឋមន្ត្រីក្រសួងមហាផ្ទៃរូបនេះ បានព្រមានដល់ក្រុមហ៊ុនថៃ និងចិន ក្នុងការបណ្តាក់ទុនរួមគ្នា ពោលគឺរួមទាំងក្រុមហ៊ុន Italian-Thai Development Plc និងក្រុមហ៊ុនបុត្រសម្ព័ន្ធរបស់ក្រុមហ៊ុន China Railway No.10 Engineering Group ដែលកំពុងសាងសង់អគារនេះ នឹងត្រូវទទួលខុសត្រូវទាំងស្រុងចំពោះការដួលរលំ។
ជាចុងក្រោយ លោក អនុធីន ឆ័នវីរកូល បានអះអាងថា វិស្វករ ជាន់ ខ្ពស់ មក ពីមន្ទីរសាធារណការ និង ផែន ការ ក្រុង និង អ្នក ជំនាញ ផ្សេង ទៀត នឹង ចំណាយ ពេល មួយ សប្តាហ៍ ឬ៧ថ្ងៃ ដើម្បី ស៊ើប អង្កេត ការ ដួល រលំ នេះ។
ជនជាតិចិនចំនួន៥នាក់ និងអ្នកបកប្រែភាសាថៃម្នាក់ត្រូវបានឃាត់ខ្លួនសាកសួរ និងឯកសារចំនួន៣៧ច្បាប់ ត្រូវដកហូតដើម្បីត្រួតពិនិត្យ និងផ្ទៀងផ្ទាត់។
គួរបញ្ជាក់ថា ហេតុការណ៍ដួលរលំអគារនៅថៃដោយសារគ្រោះរញ្ជួយដី បានផ្តាច់ជីវិតមនុស្ស១៨ នាក់់ ហើយ៣៣នាក់រងរបួស ខណៈ៧៨នាក់កំពុងកប់នៅក្រោមសាកសពនៃសំណង់អគារបាក់បែកដោយមិនដឹងថា!រស់ ឬក៏ស្លាប់៕
