វរសេនីយ៍ទោ ព្រហ្ម ពិសិដ្ឋ ដឹកនាំកម្លាំងចុះបញ្ឈប់សកម្មភាពផ្សព្វផ្សាយល្បែងស៊ីសង ក្នុងភូមិសាស្ត្រ ក្រុងប៉ោយប៉ែត
ភ្នំពេញ៖ នៅថ្ងៃទី៧ ខែធ្នូ ឆ្នាំ២០២៤ លោកវរសេនីយ៍ទោ ព្រហ្ម ពិសិដ្ឋ អធិការនគរបាលក្រុងប៉ោយប៉ែត បានដឹកនាំកម្លាំងជំនាញនៃអធិការដ្ឋាននគរបាលក្រុងប៉ោយប៉ែត ដោយសហការជាមួយកម្លាំងនគរបាលប៉ុស្តិ៍រដ្ឋបាលសង្កាត់ទាំង៥ ចុះផ្សព្វផ្សាយពីសារាចរណ៍ណែនាំរបស់ក្រសួងមហាផ្ទៃ ស្តីពីការបញ្ឈប់សកម្មភាពផ្សព្វផ្សាយល្បែងស៊ីសងខុសច្បាប់ ស្ថិតក្នុងភូមិក្បាលស្ពាន១ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ។
លោកវរសេនីយ៍ទោ ព្រហ្ម ពិសដ្ឋ អធិការនគរបាល្រុងប៉ោយប៉ែត បានឲ្យដឹងថា ដោយអនុវត្តតាមបទបញ្ជារបស់ក្រសួងមហាផ្ទៃ អគ្គស្នងការនគរបាលជាតិ ក៏ដូចជាការបញ្ជាផ្ទាល់របស់លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ នៅថ្ងៃទី៧ ខែធ្នូ ឆ្នាំ២០២៤ លោកបានដឹកនាំ កម្លាំងជំនាញនៃអធិការដ្ឋាននគរបាលក្រុងប៉ោយប៉ែត ដោយសហការជាមួយកម្លាំងនគរបាលប៉ុស្តិ៍រដ្ឋបាលសង្កាត់ទាំង៥ ចុះផ្សព្វផ្សាយពីសារាចរណ៍ណែនាំរបស់ក្រសួងមហាផ្ទៃ ស្តីពីការបញ្ឈប់សកម្មភាពផ្សព្វផ្សាយល្បែងស៊ីសងខុសច្បាប់ ស្ថិតក្នុងភូមិក្បាលស្ពាន១ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ។
លោកអធិការ បានបញ្ជាក់ថា ក្នុងកិច្ចប្រតិបត្តិការនេះ គឺបានធ្វើឡើងក្នុងភូមិក្បាលស្ពាន១ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ បានចំនួន៣ទីតាំង ក្នុងនោះទីតាំងទី១/-ច្រកទ្វារអន្តរជាតិប៉ោយប៉ែត, ២/-រង្វង់មូលប៉ោយប៉ែត, ៣/-ផ្សារមង្គល។ ជាមួយគ្នានោះដែរ ក៏បានផ្សព្វផ្សាយដល់អ្នកបើកបររថយន្ត និងម៉ូតូកង់ឥណ្ឌា(ផាសាប់) ដែលមានបិទឡូហ្គោផ្សព្វផ្សាយល្បែងស៊ីសងនិងបានធ្វើការណែនាំឲ្យពួកគាត់បកចេញ មាន៖រថយន្តចំនួន៥គ្រឿង, ម៉ូតូកង់ឥណ្ឌា (ផាសាប់) ចំនួន៤៨គ្រឿង និងបានដើរបកស្លាកឡូហ្គោផ្សព្វផ្សាយល្បែងស៊ីសងតាមទីសាធារណៈបានចំនួន២កន្លែងផងដែរ ៕
