ឯកឧត្តមរដ្ឋមន្ត្រី ក្រសួងសាធារណការ ទទួលជួបពិភាក្សាការងារជាមួយ គណៈប្រតិភូក្រុមហ៊ុន CCES Engineering Services Co., Ltd.

ភ្នំពេញ៖ នារសៀលថ្ងៃព្រហស្បតិ៍ ទី២១ ខែមីនា ឆ្នាំ២០២៤ ឯកឧត្តម ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន បានអនុញ្ញាតឱ្យគណៈប្រតិភូក្រុមហ៊ុន CCES Engineering Services Co., Ltd. ដឹកនាំដោយ លោក ហួត ជុំ អគ្គនាយកក្រុមហ៊ុន ចូលជួបសម្តែងការគួរសម និងពិភាក្សាកាងារ ដោយមានការចូលរួមផងដែរពី លោកជំទាវ ឯកឧត្តម ជាថ្នាក់ដឹកនាំ និងមន្ត្រីពាក់ព័ន្ធមួយចំនួនផ្សេងទៀត។

កិច្ចប្រជុំត្រូវបានរៀបចំឡើង តបតាមសំណើរបស់ក្រុមហ៊ុន ដើម្បីពិនិត្យលទ្ធភាព និងឱកាសក្នុងការបង្កើតកិច្ចសហការរវាងផ្នែករដ្ឋ និងវិស័យឯកជន ក្នុងការអភិវឌ្ឍវិស័យហេដ្ឋរចនាសម្ព័ន្ធផ្លូវថ្នល់នៅកម្ពុជា។

ក្នុងជំនួបនេះដែរ ក្រុមហ៊ុន CCES Engineering Services Co., Ltd. បាននាំយកកៅស៊ូត្រជាក់ម៉ាក Fast Fix ចំនួន ១ ០០០បាវ ដែលជាផលិតផលរបស់ក្រុមហ៊ុនផ្ទាល់ មកប្រគល់ជូនក្រសួង ដើម្បីទុកសម្រាប់ប្រើប្រាស់ជួសជុលផ្លូវថ្នល់ទៅតាមត្រូវការចាំបាច់ នៅគ្រប់លក្ខខណ្ឌអាកាសធាតុ៕