លោកជំទាវ ឡោក ខេង ដឹកនាំកិច្ចប្រជុំត្រួតពិនិត្យលទ្ធផលការងារក្នុងខែតុលា និងលេីកទិសដៅបន្ត នៅខណ្ឌច្បារអំពៅ
ភ្នំពេញ លោកជំទាវ ឡោក ខេង តំណាងរាស្ត្រមណ្ឌលរាជធានីភ្នំពេញ និងជាប្រធានគណៈកម្មការទី៨ នៃរដ្ឋសភា នាព្រឹកថ្ងៃទី២៥ ខែតុលា ឆ្នាំ២០២៣ បានអញ្ជើញដឹកនាំកិច្ចប្រជុំត្រួតពិនិត្យលទ្ធផលការងារក្នុងខែតុលា និងលេីកទិសដៅបន្តសម្រាប់ខែវិច្ឆិកា ក្នុងសង្កាត់ទាំង៨ នៃខណ្ឌច្បារអំពៅ នៅសាលប្រជុំសាលាខណ្ឌច្បារអំពៅ រាជធានីភ្នំពេញ។
ក្នុងឱកាសនោះ លោកជំទាវ ឡោក ខេង បានមានប្រសាសន៍ថា តាមរយ:លទ្ធផលក្នុងការបម្រើសេវាការងារ ដែលបានសម្រេចតាមតម្រូវការ តាមការស្នេីរសុំនានា និងការអភិវឌ្ឍហេដ្ឋារចនាសម្ពន្ធ័មូលដ្ឋាន រួមទាំងការងារសណ្តាប់ធ្នាប់ ការកកស្ទះចរាចរណ៍ គឺទទួលបានលទ្ធផលល្អប្រសេីរ ពិសេសការបេីកអោយប្រេីប្រាស់ស្ពានកោះនរា គឺបានធ្វេីអោយបងប្អូនរីករាយ និងកាត់បន្ថយចំណាយលេីប្រេងឥន្ធន: និងចំណេញពេលវេលា។ លោកជំទាវបានបន្តថា ចំពោះបញ្ហាប្រឈមនានានៅចំពោះមុខ គឺការជន់លិចទឹកភ្លៀងនៅសង្កាត់ចំនួន៤ ដែលត្រូវខិតខំធ្វើការដោះស្រាយ និងធ្វើការសង្គ្រោះផលដំណាំជូនដល់បងប្អូនប្រជាពលរដ្ឋនៅក្នុងសង្កាត់ទាំងអស់នោះ។
ទន្ទឹមនេះដែរ លោកជំទាវ ឡោក ខេង បានថ្លែងអំណរគុណចំពោះការយកចិត្តទុកដាក់របស់ថ្នាក់ដឹកនាំខណ្ឌ សង្កាត់ទាំងអស់ និងអ្នកពាក់ព័ន្ធ ដែលបានចូលរួមដោះស្រាយគ្រប់ពេលវេលា ព្រមទាំងបានត្រៀមរៀបចំពង្រឹងសណ្តាប់ធ្នាប់ សម្រាប់បុណ្យអុំទូក និងបុណ្យកឋិនទានទាំង ២៤វត្ត នៅក្នុងខណ្ឌច្បារអំពៅ នាពេលខាងមុខនេះ ៕
