កងទ័ពជើងគោកកម្ពុជា ចូលរួមកម្មវិធីពិព័រណ៍លម្ហអាកាស និងការពារជាតិ អន្តរជាតិ នៅទីក្រុងសេអ៊ូល ឆ្នាំ២០២៣

ឯកឧត្តម ឧត្តមសេនីយ៍ឯក អ៊ួន សារឿន មេបញ្ជាការរង កងទ័ពជើងគោក បានអញ្ជើញចូលរួមវេទិការសន្តិសុខ និងពិព័រណ៍ការពារជាតិ( ADEX 2023 ) ចាប់ពីថ្ងៃទី១៥ ដល់ ១៩ ខែតុលា ឆ្នាំ២០២៣ នៅទីក្រុងសេអ៊ូល នៃសាធារណរដ្ឋកូរ៉េមានប្រតិភូចំនួន ១៦ប្រទេស ដែលជាសមាជិកអាស៊ានបានចូលរួម និងមានប្រទេសចំនួន ២៥ប្រទេសទៀត បានមកដាក់បង្ហាញឧស្សាហកម្មសព្វាវុធប្រទេសនីមួយៗ របស់ខ្លួន ដែលមានសហករជាមួយប្រទេសកូរ៉េ ។

តាមការវាយតម្លៃពីក្រុមការងាររៀបចំអាចមានអ្នកទស្សនាជាតិ និងអន្តរជាតិប្រមាណ ១០០,០០០ នាក់។

សូមបញ្ជាក់ថា វេទីការពិព័រណ៌លម្ហអាវកាស និងពិព័រណ៍ការពារជាតិ( ADEX Korea 2023 ) នៅសាធារណរដ្ឋកូរ៉េមានគោលបំណង យល់ដឹងលើតួនាទី និងសារៈសំខាន់របស់កងទ័ព ដើម្បីឆ្លើយតបពី ប្រសិទ្ធភាពក្នុងកិច្ចសហប្រតិបត្តិការអន្ដរជាតិក្នុងការប្រឈម និងការគំរាមកំហែងខាងផ្នែកសន្តិសុខសកល ភេវរកិច្ចបរទេស គ្រោះមហន្តរាយ និងការជួយសង្រ្គោះ គ្រោះមហន្តរាយនានា លើសកលលោក។

នៅក្នុងឱកាសនោះដែរ ឧត្តមសេនីយ៍ឯក អ៊ួន សារឿន បានជួបពិភាក្សាជាលក្ខណៈទ្វេភាគីជាមួយឯកឧត្តម Park Jeong_Hwan នាយសេនាធិការ កងទ័ពជើងគោក នៃសាធារ៉ណរដ្ឋកូរ៉េ ។

ឧត្តមសេនីយ៍ឯក អ៊ួន សារឿន ក៏បានលើកឡើងពីចំណងមិត្តភាព និងកិច្ចសហប្រតិបត្តិការល្អ រវាងកងទ័ពប្រទេសទាំងពីរ កម្ពុជា-កូរ៉េ សហការល្អតាមដែនការ (Mou) ជួយជម្រុញអំពីសម្ភារៈដោះមីន នឹង Miles Systems ដែលបានព្រមព្រៀងគ្នាកន្លងមករវាងកងទ័ពជើងគោកទាំងពីរ។

ជាការឆ្លើយតប ឯកឧត្ដម Park Jeong_Hwan នាយសេនាធិការកងទ័ពជើងគោក នៃសាធារណរដ្ឋកូរ៉េ បានស្វាគមន៍ និងរីករាយចំពោះកម្ពុជា ដែលបានចូលរួមវេទិការសន្តិសុខ និងពិព័រណ៍នេះហើយ ក៏បានលើក ឡើងពីគោលបំណង និងមានផែនការជួយដល់កងទ័ពជើងគោកកម្ពុជា៖
-ការបណ្ដុះបណ្តាលធនធានមនុស្ស
-ការផ្លាស់ប្ដូរបទពិសោធន៍គ្នារវាងប្រទេសទាំងពីរ
-បន្តពង្រឹង និងលើកកម្ពស់កិច្ចសហប្រតិបត្តិការទ្វេភាគី (MOU) ឱ្យបានល្អប្រសើរថែមទៀត
-តាមដានសម្ភារៈដែលកងទ័ពកម្ពុជា បានលើកឡើងក្នុងជំនួបទ្វេភាគី ដូចជាសម្ភារៈដោះមីន និង Miles’ Systems ដែលបានពិភាក្សាគ្នាទ្វេភាគីកន្លងមក ៕