ភ្នំពេញ៖ កម្លាំងផ្នែកព្រហ្មទហ្មនៃអធិការដ្ឋាននគរបាលខណ្ឌឫស្សីកែវស្រាវជ្រាវបង្រ្កាបករណី:លួច (ម៉ូតូស្កុបពីពណ៍ក្រហម) កាលពីវេលាម៉ោង០៦និង៣០នាទីល្ងាចថ្ងៃទី១៥ ខែកក្តដា ឆ្នាំ២០២៣ ចំណុចផ្ទះលេខ១២A ផ្លូវលេខ២១០ ក្រុមទី៤ ភូមិ៤ សង្កាត់ច្រាំងចំរេះទី១ ខណ្ឌឫស្សីកែវ រាជធានីភ្នំពេញ។
ជនរងគ្រោះឈ្មោះ សឹង ចាន់ធី ភេទស្រី អាយុ ៥៣ឆ្នាំ មានទីលំនៅផ្ទះលេខ១២A ផ្លូវលេខ ២១០ ភូមិ៤ សងា្កត់ច្រាំងចំរេះ១ ខណ្ឌឬស្សីកែវរាជធានីភ្នំពេញ មុខរបរលក់ដូរ។
ឃាត់ខ្លួនបានជនសង្ស័យចំនួន០២នាក់រួមមាន៖
១-ឈ្មោះ ហុក ប៊ុនធា ភេទប្រុស អាយុ ៣១ឆ្នាំ មុខរបរ មិនពិតប្រាកដ មានទីលំនៅភូមិស្វាយប៉ាក ផ្លូវ៥ សង្កាត់ស្វាយប៉ាក ខណ្ឌឬស្សីកែវ រាជធានីភ្នំពេញ។(មានសារធាតុញៀន)
២-ជនសង្ស័យឈ្មោះ ហាំ សានី ភេទប្រុស អាយុ៣២ឆ្នាំ មុខរបរនរសាទ មានទីលំនៅ ផ្ទះលេខ២៩៩៩ ផ្លូវជាតិលេខ៥ ក្រុមទី៧ ភូមិក សង្កាត់ច្រាំងចំរេះ២ ខណ្ឌឬស្សីកែវ ។(មានសារធាតុញៀន)
សម្ភារៈដកហូតបានរួមមាន៖
-ក្រាមសថ្លាសង្ស័យគ្រឿងចំនួន៣កញ្ចប់តូច។(ជារបស់ជនសង្ស័យឈ្មោះ ហាំ សានី)
-សម្ភារៈបាត់បង់ម៉ូតូចំនួន ០១គ្រឿង ម៉ាក SCOOPY ពណ៍ក្រហម ពាក់ស្លាកលេខ ភ្នំពេញ 1HQ-8105។
-ដំណើរឿងហេតុ៖
នៅថ្ងៃខែឆ្នាំខាងលើ ជនរងគ្រោះបានទុកម៉ូតូនៅមុខផ្ទះដោយពុំបានដកសោម៉ូតូទេពេលនោះជនសង្ស័យមានគ្នាចំនួន ០៣នាក់ជិះម៉ូតូម៉ាក SCOOPY ពណ៍ខ្មៅ តាមផ្លូវ១០០៣ ជនសង្ស័យឈ្មោះ ហ៊ុក ប៊ុនធា បានចុះពីម៉ូតូមិត្តភក្តិដើរចូលបុរិវិមានភ្នំពេញហើយបានឃើញម៉ូតូម៉ាក SCOOPY ពណ៍ក្រហម០១គ្រឿងមានសោជាប់នៅនិងម៉ូតូបានធ្វើសកម្មភាពលួចជិះចេញមកក្រៅបុរីវិមានភ្នំពេញមកដល់កន្លែងសន្តិសុខយាមជនសង្ស័យបានដួលម៉ូតូសន្តិសុខបានជួយលើកម៉ូតូហើយជនសង្ស័យបានជិះម៉ូតូនោះទៅលក់អោយបុរសម្នាក់មិនស្គាល់អត្តសញ្ញាណនៅម្តុំឃ្លាំងរំសេវបានប្រាក់ចំនួន៣០០ដុល្លារយកមកចែកគ្នាបីនាក់ក្នុងម្នាក់បាន១០០ដុល្លាររួចគេចខ្លួនបាត់។
ក្រោយទទួលបណ្តឹងពីជនរងគ្រោះកម្លាំងប៉ុស្តិ៍និងកម្លាំងជំនាញខណ្ឌបានចុះស្រាវជ្រាវកំណត់បានអត្តសញ្ញាណជនសង្ស័យលុះនៅថ្ងៃទី២៩ ខែកក្កដា ឆ្នាំ២០២៣ វេលាម៉ោង០០និង១៥នាទីកម្លាំងល្បាតឃើញជនសង្ស័យបានឃាត់យកមកសាកសួរនៅប៉ុស្តិ៍ជនសង្ស័យបានសារភាពថាខ្លួនពិតជាធ្វើសកម្មភាពលួចម៉ូតូស្កូបពីនៅបុរីវិមានភ្នំពេញបន្ទាប់មកកម្លាំងជំនាញខណ្ឌបានបន្តស្រាវជ្រាវឃាត់ខ្លួនបានជនសង្ស័យ០១នាក់ឈ្មោះ ហាំ សានី ចំណែកជនសង្ស័យម្នាក់ទៀតគេចខ្លួនបាត់ នៅថ្ងៃខែឆ្នាំដដែលវាលាម៉ោង១៥និង០០នាទីនៅចំណុចភូមិក សង្កាត់ច្រាំងចំរេះ២ ខណ្ឌឬស្សីកែវ នាំយកមកអធិការដ្ឋានខណ្ឌឬស្សីកែវធ្វើការសាកសួរនិងចាត់ការតាមនិតិវិធី ៕
