ខ្សែប្រយុទ្ធកូរ៉េខាងត្បូង Casey Phair បានក្លាយជាកីឡាករក្មេងបំផុតក្នុងប្រវត្តិសាស្ត្រ World Cup
បរទេស÷ខ្សែប្រយុទ្ធកូរ៉េខាងត្បូង Casey Phair កាលពីថ្ងៃអង្គារបានក្លាយជាកីឡាករក្មេងបំផុតដែលមិនធ្លាប់មាននៅក្នុងការប្រកួតបាល់ទាត់ពិភពលោក ត្រឹមតែ ២៦ ថ្ងៃបន្ទាប់ពីការប្រារព្ធខួបកំណើតគម្រប់ ១៦ ឆ្នាំរបស់នាង។
កីឡាករវ័យជំទង់សញ្ជាតិអាមេរិករូបនេះបានចូលជាអ្នកជំនួសនៅនាទីទី ៧៨ ក្នុងការប្រកួតចាញ់កូឡុំប៊ី ២-០ របស់កូរ៉េខាងត្បូងក្នុងទីក្រុងស៊ីដនី ដោយបានបំបែកកំណត់ត្រារបស់កីឡាករនីហ្សេរីយ៉ា Ifeanyi Chiejine ដែលមានអាយុ ១៦ ឆ្នាំ ៣៤ ថ្ងៃក្នុងព្រឹត្តិការណ៍ World Cup នារីឆ្នាំ ១៩៩៩ ។
ការប្រកួតក្នុងពូល H កាលពីថ្ងៃអង្គារក៏បានបំបែកកំណត់ត្រាមួយទៀតដែរ ពោលគឺរយៈពេល ២២ ឆ្នាំ និង ២៥៦ ថ្ងៃរវាង Phair និងអ្នកចាំទីកូរ៉េខាងត្បូង Kim Jung-mi គឺជាគម្លាតអាយុដ៏ធំបំផុតរវាងមិត្តរួមក្រុមក្នុងប្រវត្តិសាស្ត្របាល់ទាត់នារី បើយោងតាម FIFA។Phair គឺជាកីឡាករដំបូងគេនៃមរតកចម្រុះដែលត្រូវបានជ្រើសរើសសម្រាប់ក្រុមជម្រើសជាតិកូរ៉េ World Cup នេះបើតាមការចុះផ្សាយរបស់ Reuters។ក្រោយពីប្រកាសជ្រើសរើសនាង គ្រូបង្វឹកកូរ៉េខាងត្បូង Colin Bell បាននិយាយថា វាជាកាតព្វកិច្ចរបស់គាត់ក្នុងការការពារក្មេងជំទង់ពីការបញ្ចេញពន្លឺនៃការផ្សព្វផ្សាយ។
កូរ៉េខាងត្បូង ប៉ះ ម៉ារ៉ុក នៅអាដេឡែត នៅថ្ងៃអាទិត្យ។Norman Whiteside គឺជាកីឡាករក្មេងបំផុតដែលបានបង្ហាញខ្លួននៅក្នុងការប្រកួតបាល់ទាត់ពិភពលោកបុរសដែលតំណាងឱ្យអៀរឡង់ខាងជើងក្នុងឆ្នាំ ១៩៨២ នៅអាយុ ១៧ និង ៤១ ថ្ងៃ។
ប្រភពព័ត៌មាន: CNN News
ប្រែសំរួលដោយ: យ៉េន សុវណ្ណារ៉ា
